EHNERGIA sarearen parte gara

Urriaren 2an, Iruñean ospatu genuen EHNERGIA sarearen eratze-bilera. Ehnergia Europako mugaz gaindiko bigarren energia-komunitatea da, eta bertan Ipar zein Hego Euskal Herriko energia-komunitate, erakunde eta norbanakoak biltzen gara helburu bakarrarekin: subiranotasun energetikoa eta trantsizio justu, jasangarri eta lokala sustatzea, energia-komunitateentzako laguntza-sarea sortuz eta bazkideentzako ondasun eta zerbitzu energetikoen hornidura emanez.

Ilusioz eta motibazio handiz hasten da Ehnergiaren ibilbidea, elkarrekin bidea eginez urrutiago helduko garela argi dugulako.